Rruga e Partizanit në Europë ndalet në Slloveni! Maribori është shumë i fortë për të kuqtë, teksa pas fitores 1-0 në Tiranë, ka fituar edhe ndeshjen e luajtur sonte në mbrëmje, me dy gola të shënuar dhe me një lojë të cilën e ka menaxhuar.
Që nuk do të ishte mbrëmja e të kuqve u duk që te traversa e goditur në pjesën e parë me Atandën protagonist. Sllovenët kishin një rast të mirë por nuk e shfrytëzuan, ndërsa Progni dhe Bardhi gabuan shumë përpara.
Pikërisht një kundërsulm i vendasve solli golin, me një goditje të bukur nga jashtë zone nga Dervisheviç. Më pas, në pjesën e dytë, Maribori goditi tranversën e portës së ekipit të Gegës, teksa sërish fati iu vu kundër Partizanit, këtë herë, me një silurë te Abdurrahimit në goditje dënimi, nga thuajse 20 metra. Në fund, pasi disa rastesh, sllovenët shënuan edhe golin e dytë me Tavares!
REZULTATI
FT/ Maribor-Partizani 2-0
Shënues: Dervisheviç 31?, Tavares 90’+3
KRONIKA E NDESHJES
1? Ka nisur takimi…
14? Vrhovec për pak sa nuk shënon. Devijimi i topit nga lojtari slloven shumë i gabuar
17? TRAVERSE! Partizani pranë golit. Goditje këndi, rrëmujë në zonë dhe thuajse autogol i vendasve, teksa topi godet tranversën e portës së Handanoviçit
18? Bardhi për pak nuk stopon një top, që do të ishte rast flagrant në zonë.. Handanoviç e bën të tijin
31? GOL MARIBORI! Dervisheviç me goditje nga jashtë zone. E pamundur për Hoxhën të kapë topin. Asist i Hotiçit
45’+1 Mbyllet pjesa e parë. Skuadra e Partizanit e nisi mjaft mirë, duke u bërë e rrezikshme në të paktën tre momente, sidomos me Atantën, teksa ishte i pafat kur traversa ndali festën e të kuqve. Sakaq, Maribori, pas një rasti të shpërdoruar, gjeti golin me anë të një goditje të bukur nga jashtë zone nga Dervisheviç.
46? Nis pjesa e dytë
55? Zëvendësim Partizani. Abdurrahimi merr vendin e Bardhit
57’ TRAVERSE! Dervisheviç godet në goditje këndi, por topi bie mbi traversë. Maribor pranë 2-0
58’ Zahoviç i afrohet golit për vendasit, por Hoxha bllokon pas dy tentativash
65? Zëvendësim Partizani. Del Progni, Kalari i merr vendin
66? TRAVERSE PARTIZANI. Abdurrahimi lëshon “silurë” nga goditje dënimit, por topi stampohet në traun e portës sllovene. Sa të pafat të kuqtë!
90’+1 Maribori pranë golit të dytë
90’+3 GOL MARIBORI. Tavares realizon duke shmangur Ibrahimin dhe kaluar topin mes këmbëve Hoxhës
90’+4 Mbyllet pjesa e dytë, Maribor-Partizani 2-0