Kosova do të luajë mbrëmjen e nesërme, më 20:45, ndeshjen ku luhet për të shkruar historinë. Dardanët kanë mbërritur ditën e sotme në Shkup, ku edhe kanë mbajtur konferencën për shtyp përpara ndeshjes si dhe kanë zhvilluar seancën e parë stërvitore.
Por një seancë si kurrë më parë për ta. Nuk ka pasur drita për Kosovën në “Tose Proeski“. Maqedonia e Veriut ka lënë përfaqësuesen dardane të stërvitet pa ndriçim për të paktën 20 minuta, duke ia vështirësuar në këtë mënyrë seancën skuadrës së Shaland./Halit Delibashi-Sport Ekspres/