“Nuk gjen dot mjek roje 24 orë këtu”, sulmuesi argjentinas i Bylisit tregon vështirësitë: Edhe 15 ditë kontratë më mbetën

0

Nga Klaudio Ndreca

Sulmuesi argjentinas i Bylisit, Fabian Munoz, ka treguar vështirësitë me të cilat po përballet me jetesën në Shqipëri. Duke parë edhe situatën e krijuar nga Koronavirusi, problemet janë shtuar dyfish për të, pasi në shtëpi ndodhet edhe gruaja që është shtatzanë.

Në një intervistë për “Tyc Sports” tregon se nuk po gjen dot një mjek roje që të qendrojë 24 orë, nëse gruaja e tij ka probleme gjatë natës. Gjithashtu Munoz ka prekur edhe çështjen e kontratave të lojtarëve, ku sipas afatit normal do të skadojë dhe do të jetë i lirë pas 15 ditëve, por ajo që pritet është vazhdimi i përkohshëm deri në fundin e këtij kampionati, që më pas të vendosë të ardhmen me drejtuesit e Bylisit.

“Pasiguria jonë është një tjetër çështje, sepse këtu kontratat janë deri më 31 maj. Kthimi në stërvitje dhe kampionati janë rregulluar, por nuk kishte asnjë lajm në lidhje me kontratat. Ne nuk e dimë nëse ato do të zgjaten apo çfarë do të ndodhë me muajt e kaluar. Të gjithë po e presim me padurim.

Mund të jem 15 ditë nga përfundimi i kontratës tani ose, në rast se arrihet një marrëveshje me Federatën, e zgjas atë deri sa të mbarojë kampionati. Superiorja është një ligë që nuk njihet shumë, unë jam te një skuadër që duhet KS Bylis Ballsh. Një qytet i vogël dhe dy orë larg kryeqytetit. Është vend i vogël dhe jetoj 30 apo 40 minuta larg.

Fushat janë me bar normal dhe futbolli ndryshon nga ai në Argjentinë. Këtu e lejojnë shumë lojën e ashpër dhe është futboll dinamik. Situata është shumë e vështirë pasi ne jemi dy orë larg kryeqytetit dhe për anën mjekësore nuk është shumë e mirë. Jam mësuar me Argjetinën, por këtu është e vështirë. Në qytetin tim nuk gjen një mjek roje 24 orë. Nëse ke një problem gjatë natës duhet të telefonosh një mjek në telefon dhe kjo bëhet shumë e vështirë, por përpiqemi që të gërmojmë”, tha Munoz. /Sport Ekspres/

You might also like

Leave A Reply

Your email address will not be published.