A do të vazhdojë Luka Modric të jetë pjesë e Real Madrid? Pavarësisht moshës së tij, kroati po tregon se është brilant dhe nuk i ka humbur nuhatja për golin dhe pasimet vendimtare. Në konferencën për shtyp, Anceloti foli edhe për vazhdimin e Modric te madrilenët.
“E gjitha është në dorën e tij. Ai është një djalë i mirë, shumë modest, e dua por nuk e di nëse dëshiron të mbetet në rolin e zëvendësuesit. Si mund ta ndihmoj? E vështirë…E di çfarë do të thonë disa gjëra. E kuptoj Lukën nëse është i trishtuar por nuk është fundi për të: e gjithë bota mendon kështu, përveç tij! Këmbët dhe energjitë i ka akoma, nuk është fundi i karrierës për të… Shikoni cilësinë!”, tha Anceloti. /Elio Hajdari-Sport Ekspres/