Southampton-i ka marrë një barazim të rëndësishëm kundër kryesuesve të Premier League-s, Manchester City-t. Pas përfundimit të ndeshjes Guardiola ka folur për mediat, ku ka vlerësuar edhe sulmuesin shqiptar, Armando Brojën. Futbollisti i Kombëtares kuqezi ka marrë fjalë të mira nga një prej trajnerëve më të mirë të botës, i cili është shprehur se Broja është një lojtari i fortë dhe i vështirë për t’u mbajtur.
“Ne ishim shumë mirë në 25 minutat e fundit të pjesës së parë dhe shkëlqyeshëm pas pushimit. Do të kisha preferuar që të kishim fituar, por jemi të kënaqur. Southampton-i mbrohet mirë dhe është i jashtëzakonshëm në kundërsulm. Broja dhe Adams janë shumë të fortë dhe nuk është e lehtë t’i përmbash ata”, ka deklaruar Pep Guardiola./Sport Ekspres/