Silvinjo nuk dëshiron që t’i jap këshilla lojtarëve që të largohen nga ekipet e tyre, nëse nuk kanë shumë minuta në këmbë. Trajneri brazilian është shprehur për rastin e Kristjan Asllanit se nuk i interesojnë minutat që ka te Interi, për sa kohë jep maksimumin te Shqipëria, asgjë tjetër nuk ka më rëndësi.
“Futbolli është kompleks, taktika është shumë e rëndësishme dhe për këtë arsye Seria A është shkolla më e mirë. Unë nuk do t’i them kurrë Kristjan Asllanit që të largohet nga Interi për të pasur më shumë minuta në këmbë. Më intereson vetëm se çfarë bën te Shqipëria dhe ai ka treguar se është shumë i fortë me ne”, tha Silvinjo. /Elio Hajdari-Sport Ekspres/