Njoftimi i rëndë për Armando Sadiku te Erzurumspori, vuajtjet nuk kanë së përfunduari në Turqi

0

Armando Sadiku kishte shumë kohë që nuk përjetonte momente si këto të tanishmet në karrierë. Ndoshta që nga periudha kur kërkoi të bënte hapin gjigant për të luajtur me fanellën e Levantes në La Liga, por një dëmtim serioz dhe mungesa e golit në kampionatin spanjoll bënë që sulmuesi të mos i realizonte qëllimet e tij.

Te Malaga u rikthye si një golashënues që ishte i papërmbajtshëm për kundërshtarët, për të mbërritur te ky transferim te Erzurumspori. Gjithçka po shkon si mos më keq për Sadikun që ende nuk ka shënuar golin e parë me fanellën e ekipit turk, madje as në dy takimet e Kupës së Turqisë që ka zhvilluar ndaj rivalëve shumë modest.

Disa herë i lënë jashtë nga trajneri dhe në të tjera i dëmtuar. Së fundmi Sadiku ka marrë një njoftim të rëndë për dëmtimin e fundit që ka kaluar, ku do të qëndrojë jashtë fushave të blerta për tre javë. Pra e thënë ndryshe rikthimi i sulmuesit të Kombëtares do të vijë në muajin shkurt dhe atëherë nuk do ta pres askush krahëhapur. Te Erzurumspori janë duke menduar për një tjetër transferim në merkaton e janarit pasi Sadiku nuk ka realizuar asnjë gol dhe konkurrenca do t’ia vështirësoj edhe më shumë punën lojtarit kuqezi. /Sport Ekspres/

You might also like

Leave A Reply

Your email address will not be published.