Pas Arbnor Mujës, një tjetër sulmues është pajisur me pasaportën shqiptare. Arbër Hoxha ka pranuar për mediat kroate se ka marrë në duart e tij pasaportën shqiptare dhe se tani pret ftesën nga trajneri Silvinjo. 24-vjeçari luan me ekipin Slaven Belupo në Kroaci, ndërsa më herët ka përfaqësuar Kosovën në tre takime miqësore.
Por tashmë Hoxha ka ndryshuar zgjedhje, pasi pret të vishet kuqezi. Ndoshta lojtari i Slaven Belupos mund të jetë surpriza e listës së Silvinjos për ndeshjet e rëndësishme të muajit shtator kundër Çekisë dhe Polonisë./Halit Delibashi-Sport Ekspres/