Lacio do të hap dyert për të mirëpritur një tjetër lojtar të Shqipërisë. Këtë herë bëhet fjalë për Nedim Bajramin që konsiderohet si një nga mesfushorët më të mirë në Serinë A dhe me më shumë prespektivë. Sipas mediave italiane kanë nisur kontaktet me klubin e Empolit për mposhtur disi konkurrencën e Sasuolos.
Igli Tare dëshiron që të arrijë marrëveshjen që në këtë moment dhe pasi të mbyllet ky sezon, Nedim Bajrami t’i bashkohet Lacios në verë. Mbetet të shihet sesi do të vazhdojë negociatat, por gjasat janë të mëdha që Bajrami të vazhdojë që të jetë pjesë e Empolit deri në fundin e sezonit. /Sport Ekspres/