Një tjetër lajm i mirë vjen në kampin e Partizanit. Pas Boldor dhe Feratit tashmë edhe Esat Mala ka fituar betejën me Covid-19. Sulmuesi shqiptar u konfirmua pozitiv në prag të derbit me Tiranën, së bashku me Koten dhe Çinarin, por tashmë virusi është diçka që i përket së shkuarës për të. Vetë klubi i Partizanit bën me dije lajmin.
Përmes faqes zyrtare në “Facebook”, të kuqtë njoftojnë se Esat Mala i është nënshtruar testit të dytë për Koronavirus ditën e hënë dhe përgjigja ka rezultuar se futbollisti ishte negative. Kështu, lojtari mund t’i bashkohet grupit në stërvitje, për t’u përgatitur për ndeshjen e radhës./Halit Delibashi-Sport Ekspres/
