Skënder Gega nuk do të jetë trajneri i ri i Al Ramthas. Trajneri shqiptar pritej prej ditësh në Jordani për të nisur aventurën e re, por axhenda e ngjeshur ka bërë që të mbetet në Shqipëri. Arsyet ishin për dekorimin e marrë dhe për prezencën në “Air Albania”, atje ku Kombëtarja luajti ndaj Francës.
Ndërkohë menjëherë pas ndeshjes, trajneri ka udhëtuar për eksperiencën e re. Teksa si ditë zyrtare ishte lënë e hëna për t’u bërë edhe prezantimi, konferenca u shty pa asnjë arsye të qartë. Tashmë gjithçka kuptohet, pasi mediat në Jordani shkruajnë se Gega nuk ka arritur marrëveshjen e plotë për detajet me stafin drejtues të klubit dhe kjo është arsyeja e kthimit në Shqipëri. /Sport Ekspres/