Performanca e mirë e Amir Rrahmanit tek Napoli ka ndikuar menjëherë në rritjen e vlerës së kartonit të tij. Në faqen kryesore në botë dedikuar transferimeve , “Transfermarkt”, publikohet se mbrojtësi i Kosovës ka një rritje të çmimit të kartonit të tij, nga 16 milionë euro në 22 milionë euro.
Rrahmani në këtë sezon te Napoli ka zhvilluar 22 paraqitje, ku ka shënuar dy gola. Një nga ndeshjet më të mira të tij ishte ajo ndaj Milanit, e cila u fitua me rezultatin 0-1. Edhe në Kosovë lojtari mori vëmendjen e duhur, kur vetëm pak ditë më parë u nderua me çmimin “Fadil Vokrri”./Elio Hajdari-Sport Ekspres/