Italia dhe Argjentina përjetuan një sukses madhor pak ditë më parë, teksa u shpallën kampionë të kontinenteve të tyre. Pas këtyre triumfeve u hodh ideja për krijimin e një Kupe të re në nder të Diego Armando Maradonës, i cili u nda nga jeta vitin e shkuar. Pengesa duket se nuk do të ketë për të vënë në jetë këtë iniciativë, teksa edhe FIFA ka dhënë miratimin e saj.
Në një datë mes dhjetorit të këtij viti dhe janarit të vitit të ardhshëm Napoli do të hapë dyert për duelin Argjentinë-Itali. Vetë jeta e legjendës së futbollit është ndarë mes këtyre dy shteteve, ndërsa stadiumi i Napolit është tempulli ku ka përjetuar emocionet më të mëdha./Halit Delibashi-Sport Ekspres/