Suedia do të luajë një ndeshje shumë të madhe sot me Anglinë, megjithatë jo gjithçka ka shkuar sipas planit. Lojtarët dhe stafi teknik janë detyruar që në orët e para të mëngjesit, të evakuohen nga hoteli i tyre me 5 yje ku po qëndronin, pasi befas ka rënë alarmi.
Në fund nuk ka ndodhur asgjë, pasi ka qenë vetëm një alarm i rremë.
Një situatë aspak pozitive, por që nga tifozët anglez është marrë me shumë humor, pasi në rrjetet sociale janë publikuar disa foto të lojtarëve suedezë që dukeshin mjaft të mërzitur nga situata e krijuar, pasi normalisht nuk mund të jetë në favorin e tyre.
Suedia do të luajë një nga ndeshje më të rëndësishme në historinë e saj ndaj Anglisë, por zgjimi para kohe mund të ketë prishur ritmin e lojtarëve, të cilët duhet të rikuperojnë gjithçka brenda pak orëve.