Të përballesh me një klub si Totenhemi, jo gjithçka i lihet rastësisë dhe fushës së lojës. Shkëndija duket se ishte e vetëdijshme për një fakt të tillë dhe kishte zgjedhur hilenë e saj për t’i bërë ballë “gjelave”. Pas përfundimit të ndeshjes, Murinjo ka treguar taktikën bllokuese të kuqezinjve, teksa porta ishte më e vogël se zakonisht, 5 centimetra më e ngushtuar.
“Përpara fillimit të ndeshjes ishte një situatë qesharake, sepse portieri im më tha që porta ishte e vogël. Shkova ta shihja dhe ishte e vogël. Portierët kalojnë gjithë kohën e tyre aty, kështu që e dimë. E ndjeva menjëherë se diçka shkonte keq dhe thirrëm delegatin e UEFA-s të vinte. Ishte 5 cm më e vogë. Kërkuam që portat të ishin të përmasave të duhura”, shpjegon Murinjo./Halit Delibashi-Sport Ekspres/