Largimi i Zinedin Zidan nga Reali ka tronditur futbollin, pasi ishte një surprizë e jashtëzakonshme.
Ndoshta vetëm lojtarët e Realit nuk janë befasuar, sepse e dinin prej kohësh që trajneri francez mund të largohej, ndërkohë që vetë Zidan deklaroi sot se i kishte njoftuar lojtarët një nga një.
Mesazhet për legjendën e Realit kanë qenë pa fund, duke nisur nga Reali, që ka postuar një foto të trajnerit të hedhur në ajër nga lojtarët, duke shkruar “Faleminderit”.
Gracias Zidane. pic.twitter.com/Npo3bFN0Mb
— #CHAMP13NS ???? (@realmadriden) May 31, 2018
Ronaldo na postuar një foto në Instagram ku shfaqet me trajnerin e vet, duke shkruar: “Jam krenar që kam qenë lojtari yt, faleminderit për gjithçka Mister”.
Edhe klubi që e ka bërë të famshëm, Zidanin, Bordoja, ka postuar një mesazh për trajnerin e njohur, duke e uruar për gjithçka ka bërë në Madrid.
Félicitations Zinedine pour tout ce que tu as apporté au @realmadrid. On te souhaite le meilleur pour la suite de ta carrière. pic.twitter.com/VALCBjliLO
— FCGirondins Bordeaux (@girondins) May 31, 2018
Natyrisht, mesazhe nga gjithë lojtarët e Realit, të cilët në rrjetet sociale kanë falënderuar dhe përshëndetur trajnerin kampion.