Nga Juliano te Starova, Laçi u jep leksion të gjithëve

0

Super Laçi nuk pyet nëse përballë ka ndonjë rival të fundtabelës apo Partizanin e madh e me histori. Pasi e mundi bujshëm në ndeshjen hapëse të kampionatit, Laçi e ka mundur Partizanin edhe sot, me një gol të Rexhinaldos në fillim të pjesës së dytë.

Në krahasim me ndeshjen e shtatorit ishte trajner i ri në secilin sot, por si Nica, ashtu edhe Mezani, i kanë dhënë fillimisht leksion Partizanit të Julianos, dhe tani atij të Starovës.

Ndeshje e shkëlqyer e kurbinasve, të vendosur në mënyrë të shkëlqyer në fushë, ndërsa partizani është po aq mediokër sa para ndryshimit në stol. Të kuqtë janë të sëmurë, u duhet revolucion.

Ah, po: tifozët e Partizanit janë super, ata bëjnë përjashtim.

Kategoria Superiore – Java 10

E enjte, më 16 nëntor, ora 14:00

Laçi – Partizani       1-0

Shënues: Rexhinaldo 46′

Laçi: Selmani, Fangaj, Qaqi, Gjoni, Shala, Nika, Bardhi (Lushkja 55′), Jonuzi, Uzuni, Eskerda, Rexhinaldo. Trajner: Gentian Mezani

Partizani: Hoxha, Ibrahimi, Malota, Atanda, Kalari, La Kamera (Bardhi 56′), Vila, Batha, Asani (Fili 73′), Trashi, Progni. Trajner: Sulejman Starova

Kartonë të verdhë: Rexhinaldo 18′, Shala 32′, Jonuzi 49′ / Batha 49′, Kalari 75′

Gjyqtarë: Klajdi Kola, Ermal Barushi, Nertil Bregasi, Klodian Shahini

GOLI:

46′ Start perfekt i pjesës së dytë për Laçin. Një sulm i shpejtë nga e majta me Uzunin, një kros në zonë dhe Rexhinaldo afër pikës së 11-metërshit nuk gabon, duke shënuar. Afrikani po rezulton vendimtar, Partizani në vështirësi të mëdha.

 

You might also like
Leave A Reply

Your email address will not be published.