Nderim Nexhipi ka folur pas mbledhjes që ka bërë FSHF me krerët dhe presidentët të klubeve shqiptare. Por Safet Gjici nuk kishte mundësi që të ishte në këtë organizim, duke parë edhe angazhimet e shumta që ka në Bashkinë e Kukësit.
Për këtë arsye, ishte Nexhipi që mori vendin e tij. Menjëherë pas mbylljes së këtij takimi, është shprehur se sipas planit të ndërtuar, Superiorja do të përfundojë në datën 29 korrik. Gjithashtu me batutë e mbyll se 45 minuta loje mund t’i nxjerrë edhe vetë tani, megjithëse u bënë disa kohë që ka varur këpucët në gozhdë.
“Si datë është vendosur për rifillim 3 qershori, do të ketë edhe Kupë dhe në datën 29 korrik do të jenë edhe përballjet e fundit. Në Shqipëri ka problem me infrastrukturën te klubet shqiptare. Gjici nuk kishte mundësi që të ishte në këtë mbledhje që është organizuar sot. Ne tani na duhen minimum 3 javë stërvitje dhe uroj që të mos kemi dëmtime. Duke parë këtë mungesën e gjatë të lojtarëve, po e mora federimin, edhe unë i nxjerrë 45 minuta tani”, ka thënë Nexhipi. /Sport Ekspres/