Reja ka thënë fjalët më të mira për Asllanin. Trajneri i Shqipërisë u shpreh se do t’ia këshillonte edhe presidentit të Napolit nëse do ta pyeste për të.
“Asllani është një lojtar shumë interesant, për mendimin tim është i destinuar për të luajtur në një klub të madh. Nëse De Laurentis do të më pyeste, do t’ia këshilloja.
Më ka bërë përshtypje personaliteti i tij dhe në mars debutoi me kombëtaren e madhe në miqësoren kundër Spanjës, ndonëse është akoma pjesë e ekipit U21.
Përshtypja është shumë e mirë, sepse di të qëndrojë në fushë në mënyrë shumë inteligjente dhe përdor shumë mirë të dyja këmbët”, u shpreh Reja. /Elio Hajdari-Sport Ekspres/