Jo shumë kohë më parë, Cristiano Ronaldo dhe Wayne Rooney, ish-shokët e skuadrës në Manchester United, patën një përleshje të ashpër verbale nëpër media. Portugezi pyeti veten nëse ka një xhelozi për shkak se ai ende luan në nivelin më të lartë në moshën 37-vjeçare dhe Rooney ka kohë që është tërhequr nga futbolli apo sepse duket më mirë se ai.
Tani ish-lojtari anglez ka përfituar nga fakti që Messi e udhëhoqi Argjentinën në finalen e Kupës së Botës dhe vendosi të sulmojë Ronaldon. Rooney ka shpërndarë në Twitter postimin e tij të dhjetë viteve më parë në të cilin ka shkruar se për të Messi është lojtari më i mirë i historisë së futbollit. “Nuk ka ndryshuar asgjë”, shkruan sërish Rooney. /Elio Hajdari-Sport Ekspres/