Në Itali e kanë kritikuar jo pak Kristjan Asllanin për ndeshjen e djeshme. Mesfushori shqiptar e nisi nga minuta e parë takimin e Champions League kundër Sociedad në transfertë. Megjithatë performanca e tij nuk ishte më e mira e mundshme.
Kritikat ishin të shumta nga gazetarët italianë, të cilët kanë pyetur edhe Inzagin nëse ndante të njëjtin konstastim sa i përket Asllanit dhe Arnautovic, por trajneri i doli në mbrojtje. “Ju nuk mund të ndaleni te dy apo tre emra lojtarësh, të gjithë duhej të bënin më shumë, edhe unë vetë padyshim. Duhet t’i japim meritat edhe Sociedadit”, tha Inzaghi. /Elio Hajdari-Sport Ekspres/