Zlatan Ibrahimovic është i lidhur ngushtësisht me Milanin. Pas lamtumirës që shkaktoi shumë emocione dhe mbylljes së futbollit të luajtur, suedezi pritet që të kthehet te kuqezinjtë, por këtë herë në një tjetër post.
Sipas asaj që raporton “Gazetta dello Sport”, Ibrahimovic do të jetë ndihmësi i Stefano Piolit. Ai e njeh mirë klubin dhe lojtarët, ndërsa do të shërbejë jo pak edhe për të rritur vetëbesimin te lojtarët. Për momentin nuk ka ende një përgjigje përfundimtare, por shumë janë të sigurt se do të pranohet kjo ofertë. /Elio Hajdari-Sport Ekspres/