Skënder Kurti vazhdon betejën më të rëndësishme në jetën e tij, atë kundër vdekjes. Në gjuhën e sportit të tij, do të quhej një raund i parë i marrë në sekondën e fundit, me një shpirt luftarak që po vazhdon ta tregojë edhe në këtë momente delikate.
Kryeministri i Shqipërisë, Edi Rama, ka treguar edhe se çfarë ndodhi me trajnerin e parë të Kombëtares dhe Tiranës në boks që ka rezultuar pozitiv me COVID-19. “Ka pësuar një vdekje klinike dhe pastaj ka ndodhur një mrekulli, që u rikthye. Sigurisht që kjo nuk do të thotë se është jashtë rrezikut, por këto janë të dhënat e bazuara”, tha kryeministri për “ABC News”.
Tashmë mbetet që Skënder Kurti ta hedh “knock-out” Koronavirusin, për t’u kthyer në mesin e të gjithëve ne. /Sport Ekspres/