Neymar do të ndëshkohej me karton të kuq në ndeshjen mes PSG dhe Strasburg. Sulmuesi brazilian mori kartonin e parë të verdhë në minutën e 61 dhe vetëm dy minuta më vonë do të stimulonte, për të dalë nga loja me karton të kuq. Në Francë shprehen se e gjitha kjo ishte jo pa qëllim nga Neymar.
Ky i fundit e kërkoi vetë që të ndëshkohej me karton të kuq pasi ka organizuar festat dhe “Party” për vitin e ri. PSG do të rikthehet të luajë sërish në datën 1 janar dhe Neymar do të ketë mundësinë për të qenë pushim. Një arsye e tillë nuk është edhe kaq e paimagjinueshme pasi më herët Neymar ka përsëritur skena të ngjashme sa herë afrohej datëlindja e motrës së tij. /Sport Ekspres/