Në Beograd u luajt ndeshja mes Crevena Zvezdës dhe Partizanit të Beogradit, në një stadium të mbushur prej 20.000 tifozësh. Si do të luhet derbi i fundit mes Partizanit dhe Tiranës? Kjo është pyetja që shtrohet sa i përket pjesëmarrjes së sportdashësve, ndërsa përgjigjen e vetme e di Kryeministri i Shqipërisë, Edi Rama. Në këtë linjë mendimi është edhe presidenti i FSHF-së, Armand Duka, në intervistën e dhënë për “ABC News”.
“Për ne është plotësisht e mundshme që derbi mes Tiranës e Partizanit të luhet me tifozë. Ne jemi dakord, por për këtë duhet të vendosin autoritetet shëndetësore. Duhet të pyesni edhe kryeministrin Rama se çfarë mendimi ka”, tha Duka. /Sport Ekspres/