Ndeshja e planifikuar për t’u luajtur ditën e nesërme mes Erzenit dhe Kukësit është shtyrë. Departamenti i Garave në Federatën Shqiptare të Futbollit ka lajmëruar mediat se takimi i vlefshëm për javën e 8 të “Abissnet Superiores” do të spostohet për ditën e hënë në orën 15:00.
“Departamenti Garave në Federatën Shqiptare të Futbollit dëshiron t’ju informojë se ndeshja Erzeni-Kukësi, e planifikuar për tu zhvilluar ditën e shtunë, është spostuar ditën e hënë në orën 15:00, pas dakortësisë së arritur ndërmjet dy klubeve. Pas këtij vendimi është kryer njoftimi i zyrtarëve të ndeshjes dhe kompanisë Oversport që është edhe transmetuesja zyrtare e Abissnet Superiore”, njofton Departamenti i Garave në FSHF./Halit Delibashi-Sport Ekspres/