Xhakomo Vrioni po përjeton ëndrrën e tij te Juventusi. I blerë në merkaton e dimrit si një përforcim për ekipin U23, e ardhmja e tij ndryshoi kurs pas rikthimit nga pandemia. Sarri e mori për t’u stërvitur gjatë gjithë kohës me ekipin e parë, madje edhe duke e grumbulluar për ndeshjet zyrtare. Por qershia mbi tortë do të ishin ato pak minuta të debutimit në fushën e lojës me fanellën bardhezi.
Largimi i Sarrit mund të mendohej se do të sillte edhe kthimin te 23-vjeçarët, por ndryshimi i trajnerëve nuk ia lëkund aspak pozitat. Vrioni duket se ka zënë rrënjë në ekipin A të “Zonjës së Vjetër”, teksa Pirlo i beson sërish një vend në listën e të grumbulluarve në sfidën e nesërme kundër Romës./Halit Delibashi-Sport Ekspres/
#RomaJuve, ecco i convocati bianconeri! ????#ForzaJuve #FinoAllaFine pic.twitter.com/XxkF9LwY29
— JuventusFC (@juventusfc) September 26, 2020