Një supersfidë pritet të mbajë të mbërthyer pas ekranit të televizorit dashamirësit e futbollit mbrëmjen e sotme. PSG-ja do të përballet me Milanin në grupin F të Champions League-s. Pioli ka folur për mediat në konferencën e zakonshme për shtyp në prag të ndeshjes. Trajneri i Milanit shpreson që ky duel të mos jetë vendimtar për kualifikimin.
“Po flas për një ndeshje shumë të rëndësishme. Kjo përplasje dyshe me PSG-në do të jetë shumë e rëndësishme dhe shpresoj jo vendimtare, sepse besoj dhe shpresoj që ky grup të vendoset në ditën e fundit. Do të doja të shihja gjithçka përsëri, sepse luajtëm dy ndeshje të Champions League, por futbolli është i çuditshëm… Nuk kemi shënuar gol. Një gol i vetëm dhe është shumë i veçantë. Mendoj se nesër do të kemi shumë më pak mundësi, por ndoshta me 4 goditje në portë do të shënojmë 5 gola. Ne jemi Milani, duam të luajmë me kokën lart”, ka deklaruar ndër të tjera Stefano Pioli./Halit Delibashi-Sport Ekspres/