Elia Caprile ishte portieri i cili u vendos për të qenë titullar në radhët e Empolit. I marrë në huazim nga Napoli, gardianit iu premtua se do të ishte zgjedhje e parë në ekipin e Serisë A. Për shkakun e një dëmtimi serioz në gusht, italianët hynë në merkato për një portier tjetër dhe gjetën Etrit Berishën.
Parimisht, Berisha u mor për të zëvendësuar Caprilen, për të qenë zgjedhje e parë për sa kohë gardiani tjetër ishte i dëmtuar dhe më pas Berisha duhej të kthehej në stol. Megjithatë nuk ndodhi kështu, pas super performancave të Etritit, tani mediat italiane raportojnë se te Empoli do të përshëndeten në janar me Elia Caprilen. /Sport Ekspres/