Edon Zhegrova ka përjetuar një moment të keq pak ditë më parë. Në mesnatën e ndërrimit të viteve, 1 janar, shtëpia e sulmuesit shqiptar është grabitur. Ajo ndodhet në Villeneuve-d’Ascq dhe në të nuk kishte asnjë njeri.
Zhegrova e kishte lënë shtëpinë në ruajtje në një kompani private sigurimi, por hajdutët ia dolën që të përmbyllnin misionin me sukses. Dera e pëparme është hapur me forcë, ndërsa janë marrë disa rroba luksoze dhe sende të tjera me vlerë. /Sport Ekspres/