Menjëherë pas ndeshjes, ndihmëstrajneri i Luftëtarit, Luis Kurbelo (flet ai sepse di greqisht), për “Gol pas Goli”, komentoi humbjen: “Një humbje në ndeshjen e parë, po sigurisht edhe episodet që vendosën. Po luanim mjaft mirë, por gjërat na u prishën. Sigurisht, këtë humbje nuk e prisnim, por do të vazhdojmë përpara. Gjithçka do ta marrim hap pas hapi. Sot na kushtëzoi dalja me të kuq. Erdhëm për të luajtur futboll të bukur. Në Laç do të shkojmë për tri pikët”. Shumë pakujdesi te gjirokastritët dhe nervozizëm… “Ekipi, përkundrazi, s’është nervoz. E ritheksoj se është momenti i kartonit të kuq ai që ndikoi. Ekipi nuk mund të luante lojën e tij, sidomos për mënyrën se si u menaxhua”.