Ditën e sotme do të luhen dy ndeshjet e para të javës së 15-të të Superligës, aty ku Laçi do të presë në shtëpi Kastriotin. Kurbinasit po kalojnë një moment mjaft të mirë, duke regjistruar katër fitore në 5 ndeshjet e fundit. Diferenca mes Laçit dhe Tiranës kryesuese është 6 pikë dhe një fitore ndaj Kastriotit do të rriste presionin ndaj vendit të parë. Nga ana tjetër, krutanët janë në një gjendje kritike dhe do të kenë objektiv marjen e pikëve në këtë ndeshje.
Sfida mes Dinamos dhe Skënderbeut është mjaft interesante për faktin se të dyja skuadrat kanë 14 pikë. Fitorja do ta largonte njërin nga klubet nga zona e ftohtë, ndërsa humbja apo barazimi do t’i jepte mundësi Egnatias t’i afrohej zonës së Play Out-it./Elio Hajdari-Sport Ekspres/