Ndeshja që të apasionuarit e boksit janë duke pritur do të ndodhë. Tyson Fury dhe Oleksandr Usyk-u më në fund kanë rënë dakort për t’u përballur me njëri-tjetrin në ring. “ESPN” raporton se palët kanë firmosur kontratën dhe dueli i shumëpritur do të zhvillohet në 23 dhjetor, ose në muajin janar.
Boksierët do të grushtojnë për titullin e padiskutueshëm në kategorinë e peshave të rënda. Dy sportistët në fjalë janë në majën e boksit dhe një përballje mes tyre dukej e pashmangshme. Kujtojmë se Fury do të ndeshet fillimisht me Ngannou-n më 28 tetor në Arabinë Saudite./Halit Delibashi-Sport Ekspres/