Vllaznia do të luajë kundër Skënderbeut në transfertën e ditës së dielë. Shkodranët kanë shumë mungesa në mbrojtje teksa Adili me shumë mundësi do ta humbasë edhe këtë ndeshje për shkakun e dëmtimit, ndërsa për arsye kartonësh nuk do të jenë Imami, Isaevski dhe Imeri. Nga krahu tjetër edhe Marku pritet që të mos jetë gati për Skënderbeun për shkakun e dëmtimit.
Në një situatë të tillë, Thomas Brdariç ka provuar si titullar edhe djalin e tij në stërvitje. Pra është bërë prova për Tim Brdariç që ta nisi si titullar ndaj Skënderbeut. Mbetet ende të shihet nëse do të vijë debutimi në ndeshjen e fundjavës mes situatës alarmante që vjen nga Shkodra. /Sport Ekspres/