Supersfida e Gjakovës nuk ka prodhuar gola. Vëllaznimi e Prishtina janë ndarë në barazim sot, në një sfidë mjaft të luftuar dhe në një atmosferë entuziaste. Prishtina kryesuese kërkonte fitoren për të mos e lëshuar kreun, por Vëllaznimi ishte i pakalueshëm.
Ndërkaq, Trepça ’89 ka shënuar fitore jashtë fushe, në stadiumin Shani Haxhiislami, kundër Besës me rezultat 1-0. Goli vendimtar erdhi në minutën e 34-t, kur Bashakovski e dërgoi topin drejt portës dhe Florent Papuqi në tentativë për ta larguar, shënoi autogol. Me këtë fitore, Trepça ’89 ngjitët në vendin e katërt me 33 pikë ndërsa Besa mbetet në vendin e dhjetë me 14 pikë.
