Tanimë Armando Broja është kthyer në idhullin e tifozëve të Southampton dhe jehona e tij ka marrë përtej Premier League. Sulmuesi shqiptar arriti që të realizojë edhe kundër Totenhemit, si për të treguar se është i aftë për të shënuar edhe ndaj kundërshtarëve të mëdhenj.
Pas këtij golit të 6 në “Premier League”, Broja është në garë me historinë. Vetëm një lojtar i Southampton ka shënuar më shumë gola se Broja, në po të njëjtën moshë. Bëhet fjalë për Kevin Davies që në sezonin 1997/98 arriti të shënonte 9 herë, ndërsa sulmuesi shqiptar ka realizuar 6 herë deri tani, por ka edhe shumë ndeshje në dizpozicion.
Për të vazhduar më tej, Broja ka vendosur diktatin e tij në kampionatin më të fortë në botë. E thënë ndryshe, asnjë futbollist në moshën e shqiptarit nuk ka arritur që të realizojë më tepër gola në këtë sezon të kampionatit. /Elio Hajdari-Sport Ekspres/