Mediat spanjolle kanë bërë me dije se Sevilja dhe Sampdoria kanë rënë dakord mes tyre për transferimin e sulmuesit të klubit gjenovez Luis Muriel në Spanjë. Sipas medieve spanjolle Muriel do t’i kushtojë rreth 20 milionë euro klubit andaluz. Sakaq, Karlos Baka ka fshirë të gjitha fotot e tij në Instagram duke dhënë kështu sinjalet se tashmë ka mbyllur punë me kuqezinjtë dhe pret vetëm largimin. Olimpik Marseja është ekipi që është interesuar për të, duke përjashtuar kështu Seviljen, pasi ka arritur akordin me Sampdorian për Luis Murielin. Në fakt, Milani kërkon 25 mln euro, ndërsa francezët arrijnë deri në 18 milionë euro. Do të duhen bisedime të tjera.