Partizani ka sjellë një zyrtarizim që ngroh zemra tifozësh. Nuk bëhet fjalë për një lojtar të ri, por për rinovimin me Arinaldo Rrapaj. Mbështetësit e të kuqëve e panë shumë mirë sesa çalonte ekipi pa këtë futbollist kur u përfol largimi nga Shqipëria. Menjëherë pas rikthimit të tij, Partizani mori një tjetër fytyrë. Tani kryeqytetasit njoftojnë vazhdimin e bashkëpunimit me 21-vjeçarin.
“Partizani me kënaqësi njofton zgjatjen e bashkëpunimit me Arinaldo Rrapaj. 21 vjeçari dhe klubi kanë nënshkruar sot kontratën e re të vlefshme deri në 2026, me opsion rinovimi edhe për një tjetër sezon. Rinovimi i kontratës erdhi me dëshirën e të dyja palëve, fakt i cili pasqyron më së miri besimin dhe korrektësinë e marrëdhënies Klub – Lojtar. Një hap i cili ka konkretizuar pozitivisht të ardhmen e Rrapaj te Partizani njëkohësisht edhe kontigjent i ekipit tonë përfaqësues”, shkruhet në faqen e klubit. /Sport Ekspres/