Partizani arriti të fitonte kundër Saburtalos në transfertë me shifrat 0-1. Tedi Cara ishte autori i golit që i dha triumfin të kuqëve. Ndërkohë Nevil Dede i ftuar në Skaner që transmetohet në MCN TV ka komentuar këtë takim.
“Në shumicën e rasteve në përballjet me ekipet gjeorgjiane dhe në atë zonën atje, ne kemi qenë fitimtarë dhe Partizani nuk e prishi këtë traditë. Gjëja e parë dhe kryesore që do thoja unë është fati. Partizani kishte fat.
Interpretoi një ndeshje me pragmatizëm shumë të madh me një vendosje me romb. Nuk mund të funksionojë një romb, nëse nuk ecin dy mbrojtësit e krahut”, tha Dede. /Sport Ekspres/