Tirana lë pas me disfatë një super sfidë si ajo ndaj Kukësit, ndërsa tani duhet të përgatitet edhe për një përballje me Partizanin. Bardheblutë janë goditur jo pak edhe në aspektin psikologjik pas humbjes 1-2 ndaj verilindorëve, ndërsa gara për titull do të rihapej nëse djemtë e Sormanit do të fitojnë në derbin e radhës.
Për ta ndezur më tepër këtë përballje mendon figura ikonë e Partizanit, Edmond Dosti. Nëpërmjet një postimi në rrjetet sociale ky i fundit kërkon t’i transmetojë skuadrës së kuqe idenë se do ta mposhtin kundërshtarin, pa nënvlerësuar asgjë, por duke vendosur theksin në faktin se pavarësisht një sezoni të dobët që kanë zhvilluar, janë ende kampionët e Shqipërisë në fuqi. /Sport Ekspres/
