Ardian Ismajli kaloi me sukses dëmtimin që e la jashtë grumbullimit me Kombëtaren. Mbrojtësi shqiptar mori menjëherë pozicionin e titullarit në fushën e lojës në ndeshjen e mbrëmshme që Empoli luajti kundër Leçes.
Futbollisti 26-vjeçar zhvilloi një paraqitje mjaft pozitive me fanellën e skuadrës toskane, të cilën e ndimoi të mbante rrjetën të paprekur. Ismajli është përfshirë në formacionin e javës së 28 të Serisë A dhe e ka vlerësuar me notën 7.6./Halit Delibashi-Sport Ekspres/
