Shqipëria do të luajë më 26 tetor miqësoren kundër Arabisë Saudite. Një ndeshje ndryshe për Kombëtaren, që këtë herë është e mbushur me lojtarë të “Abissnet Superiore”-s. Sytë janë kthyer nga dy lojtarët që shihen si xhevahirët e kampionatit tonë. Bëhet fjalë për Redon Xhixhën dhe Xhuliano Skukën. Njëri me Tiranën dhe tjetri me Partizanin, të dy së bashku kanë shënuar 15 gola gjithsej.
Përpos faktit që duhet ti tregojnë Rejës aftësitë e tyre, Xhixhës dhe Skukës i lind një tjetër detyre në këtë ndeshje. Dy sulmuesit shqiptarë mbajnë mbi supe një barrë më të rëndë, teksa do të shërbejnë si pasqyra e “Abissnet Superiore”-s. Tashmë është momenti për të treguar se sa vlejnë vërtetë golat e kampionatit shqiptar./Halit Delibashi-Sport Ekspres/