Statistika të pabesueshme për kroatin: i treti në Botëror për raste të krijuara, i pari për topa të rikuperuar. Dy gola e një asist, po nëse Kroacia del kampione bote?
Një ndeshje madhështore për Luka Modriç, por thjesht rutinë për yllin e Real Madridit. Në fund, qetësi dhe fat, me topin që preku dy shtyllat para se të prehej në rrjetë. Një karambol që Zoti e çoi në rrjetë, si për të nderuar një gjeni të futbollit, nga ata që magjepsin kur kanë topin dhe që bëjnë njerëzit ta vlerësojnë futbollin si art.
Modric with zidane’s luck pic.twitter.com/Tqw9DWY5ri
— Luna (@Travishcott) July 7, 2018
Kampion Europe e bote te Reali, tashmë me një ëndërr të madhe në kombëtare, duke shënuar penallti të rëndësishme, pa u dorëzuar, as pas penalltisë së mallkuar që humbi në fundin e shtesave ndaj Danimarkës.
Shtesat i janë bërë makth Modriçit, i cili në minutën e 116-të kundër Danimarkës humbi penallti, ndërsa në minutën e 115-të mbrëmë pa Rusinë të barazonte, pak minuta pasi Vida kishte shënuar për Kroacinë, nga një kros i Modriçit. Mesfushori është ylli i madh i Kroacisë, nuk mungon kurrë, as kundër Kroacisë, kur kualifikimi ishte i siguruar.
Në një Botëror ku dështuan Mesi e Ronaldo, pyetja e madhe është: kush do ta fitojë Topin e Artë? Pikërisht Modriç mund t’i fitojë të gjitha, Botëror e Top të Artë. Përpara është gjysmëfinalja kundër Anglisë, me një ëndërr të madhe për gjithë popullin kroat.
NJË HAKMARRJE EDHE PËR INIESTËN
A do ta meritonte Topin e Artë Modriç? Nëse fiton Botërorin, pa dyshim, duke parë atë që bën për Kroacinë dhe Realin, ku ka pasur merita të mëdha në 4 Champions fituar nga Los Blancos. Sezoni aktual është fantastik: 43 ndeshje, 2 gola e 8 asiste për Realin, ku është thelbësor, ashtu si te Kroacia, ku Daliç i ka dhënë çelësat e ekipit, duke e lënë të lirë të vrapojë ku të dëshirojë dhe të krijojë gjithçka: 102 pasime (rekord për çdo kroat në histori), 87.3% të pasimeve të sakta, 8 driblime, 4 pasime vendimtare, 15 rikuperime topi (vetëm Marselo e ka arritur këtë shifër në këtë Kupë Bote), 1 asist dhe një penallti e shënuar në fund, të gjithë këto ndaj Rusisë mbrëmë.
Kroacia ëndërron diçka të madhe, të pamundur për shumë njerëz, ndërsa France Football ka shansin të rregullojë një gabim historik, që e pranoi vetëm në prill: “Na fal Don Andres, në vitin 2010 Topin e Artë e meritoje ti”. Andres Iniesta nuk e fitoi kurrë Topin e Artë që meritonte, ndoshta tashmë do të gëzojë edhe ai për Modriçin.
1 – Luka Modri? is the first player to attempt 100+ passes for Croatia in a World Cup game (89/102). Genius. #RUS #CRO #RUSCRO #WorldCup pic.twitter.com/6tMQjUsF1A
— OptaJose (@OptaJose) July 7, 2018