Modestia e Kristjan Asllanit është vetëm për t’u duartrokitur. Mesfushori shqiptar nuk e harron kurrë se nga ka dalë dhe pavarësisht hapit të madh që ka hedhur në karrierë, sërish është me këmbë në tokë. Në shumë raste Asllani shkon që të ndjek të rinjtë e Interit në stadium, si për të kujtuar periudhën e tij kur kishte ëndrra teksa luante me të rinjtë e Empolit.
Menjëherë pas fitores me Milanin dhe arritjes së finales në Champions League, në ditën pushim të lënë nga Inzagi, Asllani shkoi së bashku me Lukakun për të parë të rinjtë e Interit që drejtohen nga Chivu dhe që fituan 2-1 kundër Sampdorias. /Sport Ekspres/