Mirel Josa ka fituar gjyqin kundër Prishtinës që e kishte dërguar në FIFA. Trajneri shqiptar kishte një kontratën 3-vjeçare në kohën që drejtoi kryeqytetasit në Kosovë, por do të shkarkohej pas dy vitesh. Prishtina nuk i pagoi pjesën e mbetur të kontratës dhe për këtë Josa nuk ka qëndruar “duarkryq”.
“Indeksionline” konfirmon se tekniku shqiptar e ka fituar këtë çështje duke bërë që FIFA të dënojë Prishtinën me 45 mijë euro që do të shkojnë në llogarinë e Josës. Nga këto janë 17 mijë euro nga pagat e papaguara dhe pjesa tjetër që vjen si dënim për mosrespektimin e kontratës. /Sport Ekspres/