Kosta Grillo ndodhet në Turqi për të marrë një trajtim më të specializuar pasi u infektua me COVID-19. Komentatori i njohur nuk ishte prekur më herët, por këtë herë nuk bëhet fjalë për një problem të lehtë. Gjendja po përkeqësohet dhe Grillo ndodhet në situatë kritike. Familja e tij nuk ka më mundësi që të përballojë shpenzimet e mëdha në spitalin turk, ndërsa gazetari Ervin Baku bën thirrje për ta ndihmuar padronin e mikrofonit të sportit në Shqipëri. /Sport Ekspres/
“Vëllai jonë Kosta Grillo ka shumë nevojë për ndihmën tuaj!!! Situata është kritike dhe do të aplikohet një trajtim i ri (stem cell) për ta kthyer vëllain tonë mes nesh. Mikrofoni i sportit po pret me padurim padronin e tij! Familja nuk ka më asnjë mundësi të përballojë shpenzimet marramendëse të spitalit turk. Ju lutem, ta ndihmojmë vëllain tonë KOSTA GRILLO!”.
