Tirana ka mësuar ditën e sotme emrin e kundërshtarit që do të ketë përballë në rrugëtimin në Champions League. Bardheblutë po punojnë në merkato në mënyrë që të kenë përforcime të reja dhe të krijojnë një grup sa më konkurrues për të realizuar objektivat e tyre.
Vetë presidenti Refik Halili konfirmoi se te kampionët e Shqipërisë do të ketë edhe 3 afrime të reja. “Supersport” raporton se do të jenë 3 futbollistë afrikanë ata që do të vishen bardheblu brenda pak ditësh. Akordi është arritur dhe 3 lojtarë me kombësi ganeze do të zyrtarizohen në klubin e Tiranës. Madje bëhet me dije së njëri prej tyre luan për Kombëtaren e moshave të Ganës./Halit Delibashi-Sport Ekspres/