Nëse Kosova është pranuar nga UEFA dhe FIFA, merita më e madhe i takon Fadil Vokrrit, legjendës që u nda nga jeta. Në Televizionin T7, Eroll Salihu ka treguar momentin prekës me Vokrrin në mëngjesin pasi UEFA e kishte pranuar zyrtarisht Kosovën.
“Në mëngjes pasi u pranuam, isha me Gianni Infantinon, kryetar i FIFA-s. Bisedonim pak, po e shoh Fadilin (Vokrrin) që po ecte. I thashë: “O Fadil Vokrri, pse po ecën ndryshe sot?”. I shkuan lotët në sy: “Po eci ndryshe se tani jam anëtar i UEFA-s”. Infantino e përqafoi, njerëzit nuk e kuptojnë vështirësinë emocionale që kishim”, tha Salihu. /Sport Ekspres/