Paulo Dybala do të largohet nga Juventusi këtë verë. Shumë besojnë se Juventusi bëri një gabim të madh duke e liruar argjentinasin dhe tashmë për të ka folur edhe trajneri i Zonjës së Vjetër, Massimiliano Allegri. “Dybala në një moment mendoi se ai ishte Messi.
Ai filloi ta kopjonte seriozisht, për të arritur nivelin e tij. Nuk mund të kopjoni dikë. Duhet të ndërtoni identitetin tuaj. Paulo ka shumë për t’i dhënë futbollit, ai ka cilësi të jashtëzakonshme teknike. por duhet të kthehet te vetja dhe të fokusohet tek vetja”, ka thënë Allegri. /Elio Hajdari-Sport Ekspres/