Tomas Strakosha mori gjithë protagonizmin mbrëmjen e djeshme në ndeshjen kundër Galatasaray-t, ku vendosi takimin me gafën e tij. Autogoli i portierit shqiptar nuk kaloi pa kritika, megjithëse pati edhe nga ata që i dolën në krahë. Në një prononcim për “Radiosei”, një ish-mbrojtës si Piscedda i Lazios shprehet se një gabim i tillë mund ti ndodhi kujtdo.
“Strakosha bëri gafë klasike që mund të ndodhë me të gjithë portierët. Ai mund të qëndrojë, edhe nëse kjo ka ndodhur në një moment delikat për të dhe për klubin. Ka kufizime dhe ne e kuptojmë këtë, por nuk është as më e keqja që ekziston. Mëkat që humbën për shkak të gabimit të tij”, ka thënë Massimo Piscedda./Halit Delibashi-Sport Ekspres/